Two Day Capacity Building Programme اپنے معاشرہ کو نشہ کی لَت سے پاک رکھنا ضروری،ڈی سی بڈگام

پروگرام میں شریک سامعین سے خطاب کرتے ہوئے ڈی سی بڈگام ایس ایف حامد نے کہا کہ وہ اس مرکز سے تربیت حاصل کریں،اور تربیت کے مراحل سے گزرنے کے بعد آپ ضلع بڈگام کو نشہ سے پاک ضلع بنانے میں اپنا تعاون پیش کریں ،تا کے نوجوانوں کے مستقبل کو تباہ ہونے سے بچایاجاسکے۔2-Day programme on Nasha Mukt Bharat Abhiyan begins at Budgam

وسطی کشمیر کے ضلع بڈگام کے ڈپٹی کمشنر (ڈی سی) ایس ایف حامد نے آج شیخ العالم ہال بڈگام میں منعقد ہونے والے "نشہ مکت بھارت ابھیان" کے عنوان پر دو روزہ "کیپسٹی بلڈنگ" پروگرام کا افتتاح کیا۔ اس تقریب کا انعقاد ڈسٹرکٹ سوشل ویلفیئر آفس بڈگام نے محکمہ تعلیم اور صحت کے تعاون سے کیا ہے۔2-Day programme on Nasha Mukt Bharat Abhiyan begins at Budgam

اس پروگرام سے خطاب کرتے ہوئے ڈی سی نے کہا کہ نشہ مکت بڈگام بنانے کے لیے مشترکہ طور پر ہماری جہد و جہد جاری ہے۔

انہوں نے کہا کہ ضلع بھر میں ہر گاؤں میں 10 رضاکاروں کی ایک ٹیم تشکیل دی جارہی ہے،جس کا مقصد عوام کو نشہ سے گریز کرنے اور اپنے آس پاس کے ماحول اور معاشرہ کو نشہ کی لت سے پاک بنانے رکھنے کے لئے بیدار کرنا ہے ۔

پروگرام میں شریک سامعین سے خطاب کرتے ہوئے انہوں نے کہا کہ وہ اس مرکز سے تربیت حاصل کریں،اور تربیت کے مراحل سے گزرنے کے بعد آپ ضلع بڈگام کو نشہ سے پاک ضلع بنانے میں اپنا تعاون پیش کریں ،تا کے نوجوانوں کے مستقبل کو تباہ ہونے سے بچایاجاسکے۔
انہوں نے مزی دکہا کہ نشہ سے پاک اور بہتر معاشرہ کی تشکیل کے لئے عوامی بیداری ضروری ہے،اور سماج کے ہر فرد کے تعاون کی ضرورت ہے،کیونکہ یہ ایک پیچیدہ مسئلہ ہے،اور بر وقت اس پر اقدام اٹھانے کی ضرورت ہے۔

ڈی سی بڈگام کے علاوہ اس پروگرام میں تمام زیڈ ای اوز، آشا اور آنگن واڑی ورکرس،سی ای او، سمیت دیگر محکموں کے عہدیداروں نے شرکت کی۔