سرینگر Srinagar
پیر کے روز مادی زبان International Mother Language Day کا عالمی دن منایا گیا اس دن کی مناسبت کے وادی میں کئی تقریبات کا اہتمام کیا گیا۔جس میں زبانوں کی اہمیت و افادیت پر روشنی ڈالی گئی۔ جبکہ مادری زبان کو تحفظ فراہم کرنے کے حوالے سے حلف بھی لیا گیا۔
اس موقع پر کلچرل اکیڈمی سرینگر کے سمینار حال میں ایک مشاعرے کابھی اہتمام کیا گیا جس میں مختلف زبانوں میں شعرا نے کلام پیش کیے، جبکہ زبانوں کی اپنی اہمیت کو اجاگر کیا۔ اسی طرح اسٹیٹ کونسل أف ایجوکیشنل ریسرچ اینڈ ٹرینگ کی جانب سے مادری زبانوں کے عالمی دن پر ایک تقریب کا انعقاد عمل میں لایا گیا جس کا اہتمام انسٹیوٹ کی کلچرل وینگ کی جانب سے کیا گیا۔
اس تقریب میں مقررین نے مادری زبانوں کی اہمیت وافادیت پر سیر حاصل روشنی ڈالی۔ وہیں مختلف زبانوں کی اہمیت کے ساتھ ساتھ نصابی تعلیم میں سہ زبانی فارمولا کی اہمیت اجاگر کیا گیا اور زور دیا کہ ہر زبان کی اپنی اہمیت ہے اور کسی بھی زبان کو نظر انداز نہیں کیا جاسکتا۔
معروف شاعر،ادیب اور پرنسپل ہایر سکنڈری اسکول گنڈ حسی بٹ میر شبیر نے کشمیر زبان کی اہمیت پر مفصل روشنی ڈالی۔ انہوں نے کہا یہ زبان اس خطے کے لوگوں کی شناخت ہے۔ اور ہمیں اپنی شناخت کی بھر پور حفاظت کرنی چاہیے۔ سرکردہ ادیب صحافی اور لسانی کارکن جاوید ماٹجی نے برصغیر اور جموں کشمیر میں اردو زبان کی اہمیت پر پر مغز گفتگو کی۔
انہوں نے کہا اردو اس پورے خطے میں اتحاد کی علامت ہے اور تمام فرقوں اور مذاہب سے وابستہ لوگوں کو آپس میں جوڑے رکھا ہے۔ انہوں نے کہا کہ یہ واحد زبان ہے جسے پورے برصغیر میں ہر جگہ بولا اور سمجھا جاتا ہے۔ اور اس زبان میں ہماری تہذیب اور ثقافت محفوظ ہے۔
اکیڈمک آفیسر شیخ گلزار نے اس موقع پر سہہ زبانی فارمولے پر مفصل روشنی ڈالی۔ انہوں نے کہا ماہرین تعلیم نے ہر زبان کا خیال رکھا ہے۔ اور ہمیں بھی اسی طرح نصاب میں ان کو عملانا چاہیے۔
پروگرام کرڈینیٹر جاوید کرمانی نے مادری زبانوں کو منانے کے فیصلے پر مفصل روشنی ڈالتے ہوئے کہا کہ زبانوں کے ساتھ انسانوں کا فطری لگاؤ رہا ہے یہ ایک ایسا جذباتی رشتہ ہے۔ جس نےماضی میں دنیا کی تاریخ پر دور رس نتائج مرتب کیے۔ پروگرام کا افتتاح کر تے ہوئے ہیڈ آف ڈیپارٹمنٹ ایس سی آر ٹی محمد سلطان خان نے کہا کہ ہماری زندگی میں زبانوں کی کافی اہمیت ہے۔
تقریب کے ابتدا میں اکیڈمک آفیسر ریاض احمد ڈار نے مہمانوں کو خوش آمدید کہا۔ جب کہ سنٹرل آفیس کے ہیڈ پیر زادہ بشیر نے حاضرین کا شکریہ ادا کیا۔ تقریب میں کئ اور فیکلٹی ممبران نے خیالات کا اظہار کیا۔
....
گاندربل Ganderbal
گاندربل کے ٹاؤن ہال میں آج وائس آف پیس نامی این جی او اور جموں وکشمیر یوتھ ڈیولپمنٹ فورم کی جانب سے مادری زبان کا بین الاقوامی دن International Mother Language Day منایا گیا۔ مادری زبانوں کا عالمی دن ہر سال21 فروری کو دنیا بھر میں ثقافتی تنوع کی بیداری کو فروغ دینے کے لیے منایا جاتا ہے۔
اس سال ہم اس دن کو آزادی کا امرت مہوتسو کے ایک حصے کے طور پر منا رہے ہیں۔ اس سلسلے ٹاؤن ہال گاندربل میں ایک تقریب کا انعقاد کیا گیا جس میں مہمان خصوصی کے فرائض ایس پی گاندربل نے انجام دیا۔
اس تقریب میں مصنف، پروفیسر اور کئی سرکردہ شخصیات بھی موجود تھے جبکہ مقامی نوجوانوں کی اچھی خاصی تعداد بھی موجود تھی۔
اس موقع پر ایک کلینڈر کی کشمیری زبان میں رسم رونمائی بھی کی گئی۔جبکہ وادی کے مشہور گلوکار بھی اس موقع پر تقریب پر موجود تھے اور انہوں نے کئی صوفیانہ کلام بھی پیش کیے۔ اس موقع پر سرکردہ شخصیات نے مادری زبان کی اہمیت، خاص طور پر نئی تعلیمی پالیسی2020 کے تناظر میں اور پالیسی کے مستقبل کے پہلو پر روشنی ڈالی۔