بڈگام میں محکمۂ وائلڈ لائف نے مادہ تیندوے کو پکڑلیا

وسطی کشمیر کے ضلع بڈگام کے ڈورو علاقے میں محکمۂ وائلڈ لائف نے ایک مادہ تیندوے کا زندہ پکڑلیا ہے۔

محکمۂ وائلڈ لائف نے بڈگام کے ڈورو علاقے سے ایک تیندوے کو زندہ پکڑ لیا ہے۔ ہم آپ کو بتادیں گزشتہ روز اسی علاقے میں ایک تیندوے کے بچہ کو محکمہ نے پکڑ لیا تھا۔

محکمۂ وائلڈ لائف کے افسران نے بچے کو وہی پر جھال میں رکھا تاکہ مادہ تیندوہ بچے کی تلاش میں آئے اور آج شام وائلڈ لائف کے بچھائے گئے جال میں مادہ تیندے کو پکڑنے میں محکمۂ وائلڈ لائف کامیاب ہوا ہے۔
تیندوہ جونہی کیبل ٹریپ میں پھنسا تو وائلڈ لائف کے اہلکاروں نے اسے بیہوش کردیا اور اس کے بعد بچے اور مادہ تیندوے کو اپنے ساتھ لے گئے۔

واضح رہے بڈگام کے مختلف علاقوں میں ان دنوں تیندوے کھلے عام گھوم رہے ہیں اور اب تک ضلع میں دو جانیں بھی ضائع ہوئی ہے۔ علاقے میں تنیندوؤں کے کھلے عام کھومنے کے پیش نظر مقامی لوگوں میں ڈر کا ماحول پیدا ہوا ہے۔ محکمۂ وائلڈ لائف کی جانب سے سرچ آپریشن میں تیزی لائی گئی اور دو دنوں میں ایک بچہ اور مادہ کو پکڑنے نے کامیاب ہوئے۔