کشمیر پولیس زون کے انسپکٹر جنرل وجے کمار نے وادی کے عوام سے اپیل کرتے ہوئے کہا ہے کہ کورونا وائرس کے پھیلاؤ کو روکنے کے لئے عید الاضحٰی کے موقع پر احتیاطی تدابیر پر سختی سے عمل کریں۔
پولیس کی جانب سے ٹوئیٹر پر آئی جی پی کشمیر نے عوام سے اپیل کی ہے کہ وہ عیدالاضحیٰ کے موقع پر کورونا وائرس کے پھیلاؤ کے لئے جاری کی ہوئی ایس او پیز پر سختی سے عمل کریں۔
انہوں نے مذہبی رہنماؤں اور شہریوں سے بھی اپیل کی ہے کہ وہ عوام سے عید کو گھروں پر ہی منائے جانے کی رہنمائی کریں۔
عید گھروں میں ہی منائیں: آئی جی پی وجے کمار
پولیس کی جانب سے ٹوئیٹر پر آئی جی پی کشمیر نے عوام سے اپیل کی ہے کہ وہ عیدالاضحیٰ کے موقع پر کورونا وائرس کے پھیلاؤ کے لئے جاری کی ہوئی ایس او پیز پر سختی سے عمل کریں۔
آئی جی پی وجے کمار
یہ بھی پڑھیں:مناسک حج کے پہلے روز عازمین حج وادی منیٰ میں
واضح رہے کہ اس سے قبل کشمیر کے صوبائی کمشنر پنڈورنگ پولے نے کووڈ کو مد نظر رکھتے ہوئے عیدالاضحیٰ کی اجتماعی نماز ادا کرنے کی اجازت نہیں دیے جانے کی بات کہی ہے۔
کورونا وائرس کی وجہ سے جموں وکشمیر میں گزشتہ برس بھی یعنی عید الفطر اور عیدالاضحیٰ کی اجتماعی نمازیں ادا کرنے پر پابندی عائد کی گئی تھی اور گزشتہ دو برسوں میں کورونا وائرس کے سبب اجتماعی نماز پر لگاتار پابندی عائد کی گئی ہے۔
اگرچہ جموں و کشمیر میں لاک ڈاؤن میں نرمی دی جاچکی ہے جس کے تحت بازار اور آمد ورفت پر پابندی ہٹادی گئی ہے تاہم تعلیمی ادارے اور بڑے مذہبی اجتماعات پر پابندی جاری ہے۔