'حسینیت ہمیں حق و باطل کے مابین فرق کرنے کا نظریہ دیتا ہے'

محرم الحرام کی مناسبت سے ضلع بڈگام میں حسینی مشاعرے کا اہتمام کیا گیا۔ یہ مشاعرہ جموں و کشمیر کے ثقافتی مرکز بڈگام اور حقانی میموریل ٹرسٹ کے مشترکہ تعاون سے منعقد کیا گیا تھا۔

کشمیر کے مختلف اضلاع سے تعلق رکھنے والے کشمیری، اردو، پہاڑی اور گوجری زبان کے شعراء نے مشاعرے میں شرکت کی۔ شعراء نے اپنے اشعار کے ذریعے امام حسینؓ کو خراج عقیدت پیش کی یہ پروگرام ٹاؤن ہال بڈگام میں منعقد ہوا۔

پروگرام میں کثیر تعداد میں لوگوں نے شرکت کی، اس مشاعرے کے دوران نوحہ خوانی کی مجلس بھی منعقد کی گئی اور امام حسینؓ کی کربلا کے میدان میں دی گئی قربانیوں کو یاد کیاگیا۔ پروگرام میں شرکت کرنے والے شعراء نے کہا کہ 'موجودہ وقت میں حسینیت کے پیغام کو عام کرنے کی ضرورت ہے'.

انہوں نے کہا کہ 'حسینیت ہمیں حق و باطل کے مابین فرق کرنے کا نظریہ دیتا ہے'۔ انہوں نے کہا کہ 'اگر حسینیت عام ہوگی تو دنیا میں یزیدیت کا خاتمہ ہوگا اور جو کوئی بھی بری عادتوں میں ملوث ہے وہ بھی ایسی عادتوں سے باز آکر حسینی صفوں میں شامل ہو۔