Quran Translated into Gojri Language: سرینگر میں القرآن الکریم کی گوجری ترجمہ کی تقریب

بابا غلام شاہ بادشاہ یونیورسٹی کے سینٹر فار گوجری پہاڑی اور کشمیر لینگویجز کے کوآرڈینیٹر ڈاکٹر رفیق انجم نے القرآن الکریم کا گوجری زبان میں ترجمہ کیا۔ اُنہوں نے کہا کہ وہ چاہتے ہیں کہ اللہ تعالیٰ کے کلام کو گوجری طبقہ سے وابستہ افراد صحیح طریقے سے سمجھ سکے۔Gojri Quran Translated

سرینگر: جموں و کشمیر کی گرمائی دار الحکومت سرینگر میں ہفتے کے روز قرآن شریف کے گوجری ترجمے کی رسم رونمائی انجام دی گئی۔ قرآن کا ترجمہ ڈاکٹر رفیق انجم نے کیا ہے جو اب تک گوجر زبان میں تقریباً 40 کتابیں لکھ چکے ہیں۔ Quran Translated into Gojri Language

اس موقعے پر صحافیوں سے بات کرتے ہوئے ڈاکٹر انجم کا کہنا ہے کہ "عالمی وبا کورونا وائرس کی وجہ سے زندگی تھم سی گئی تھیں اور کرنے کو کچھ نہیں تھا۔ اسی دوران میں نے اپنا سارا ذخیرہ اکھٹا کیا اور قرآن کے ترجمے کو ترتیب دیا۔

"اُن کا کہنا تھا کہ وہ چاہتے ہیں کہ اللہ تعالیٰ کو گوجری طبقہ سے وابستہ افراد صحیح طریقے سے سمجھ سکے۔اگرچہ یہ پہلا موقع نہیں تھا کہ جب قرآن کا ترجمہ ہوا ہو، تاہم ڈاکٹر انجم کا دعویٰ ہے کہ اُن کے جانب سے کیے گئے ترجمے میں عربی کے تمام محاوروں اور لہجہ کو برقرار رکھا گیا ہے۔

وہیں سیکرٹری ٹرائیبل افیئرز ڈاکٹر شاہد چودھری کا کہنا ہے کہ "اس ترجمے سے گوجری زبان بولنے والوں کو کافی فائدہ ہوگا۔ مجھے لگتا ہے کہ گوجری زبان میں اخبار بھی شائع ہونے چاہیے۔"اُن کا مزید کہنا تھا کہ" درج قبائلی زبان بولنے والے افراد کے لیے انتظامیہ کی جانب سے تمام اقدامات اٹھائے جا رہے ہیں۔"

ضلع راجوری سے آئے ہوئے ایک شخص شرافت چودھری کا کہنا تھا کہ "قرآن کے اس ترجمے سے گجر طبقہ کے افراد خدا کے کلام سے روشناس ہونگے۔اُن کا مزید تھا کہ "حال ہی میں بابا غلام شاہ بادشاہ یونیورسٹی میں قبائلی طبقے کے افراد کے لیے انڈر گریجویٹ کورس بھی متارف کیا گیا جس سے اس طبقہ سے وابستہ لڑکوں کو کافی فائدہ ہوگا۔"