جموں و کشمیر: ایم جی نریگا کی بہتر عمل آوری

جموں وکشمیر میں گورنر انتظامیہ نے ایم جی نریگا کی بہتر عمل آوری کو یقینی بنانے کے لیے رہنما خطوط کو منظوری دے دی ہے۔

سرکاری ترجمان کے مطابق گورنر ستیہ پال ملک کی صدارت میں ریاستی انتظامی کونسل کا اجلاس منعقد ہوا جس میں ایم جی نریگا کی پنچایت حلقوں کی طرف سے موثر عمل آوری کو یقینی بنانے کے لئے جموں وکشمیر پنچایتی راج ایکٹ 1989 کی ترمیم کی رو سے طریقے کار اور رہنما خطوط کو منظوری دی گئی۔
ان رہنما خطوط کا تعلق پنچایتوں کے لئے 80 فیصد ایم جی نریگا رقومات کی منتقلی، پنچایتوں کی طرف سے رقومات صرف کرنے کے لائحہ عمل، ایم جی نریگا کے لئے وقت کا تعین، منصوبہ بندی، فیصلہ سازی، اخراجات اور دیکھ ریکھ سے ہے۔
ان رہنما خطوط کی بدولت پنچایتی راج اداروں کو مزید مستحکم بنایا جاسکے گا اورزمینی سطح کی منصوبہ بندی اور فیصلہ سازی کو حقیقت میں بدلا جاسکے گا۔