'حکومت لوگوں پر ذہنی دباؤ بنا رہی ہے'

ریاست جموں و کشمیر میں آرٹیکل 35-اے میں مداخلت کے خلاف نیشنل کانفرنس کے ترجمان اعلی عمران نبی ڈار نے بھارت کی نئی حکومت پر نکتہ چینی کی ہے۔

نیشنل کانفرنس کے ترجمان عمران نبی ڈار نے کہا کہ دفعہ 35-اے میں مداخلت برداشت نہیں کی جائے گی۔

عمران نبی ڈار نے کولگام میں نمائندے سے بات کرتے ہوئے کہا کہ ہندوستانی حکومت کو یہ سوچنا چاہیے کہ لوگوں کی طرف سے 35-اے کو ختم کرنے کی افواہیں نہیں پھلائی جا رہی ہیں بلکہ ریاست کے گورنر انتظامیہ کی جانب سے 35-اے کو ختم کرنے کی افواہیں پھلائی جا رہی ہیں۔

انہوں نے کہا کہ بھارتی حکومت اور گورنر انتظامیہ کی جانب سے ابھی یہ بیان نہں آیا ہے پھر مزید سکیورٹی فورسز کیوں بلائی جا رہی ہیں؟

انہوں نے کہا کہ روز روز نئے آرڈرز نکالے جا رہے ہیں۔ انہوں نے کہا کہ کشمیر کے لوگ پہلے ہی ذہنی دباؤ میں ہیں۔

عمران نے کہا کہ ہر طرف سے یہ خبر ہے کہ 35-اے میں مداخلت کی جا رہی ہے۔ کشمیریوں کو کیوں ڈرایا جا رہا ہے؟

انہوں نے کہا کہ بھارتی حکومت کشمیریوں کو ذہنی طور پر متاثر کر رہی ہے۔

انہوں نے کہا کہ جموں و کشمیر کے لوگ 35-اے میں مداخلت برداشت نہیں کر سکتے۔ انہوں نے مزید کہا کہ نیشنل کانفرنس کے منشور میں یہ پہلے سے ہی تھا کہ 35-اے کا تحفظ کیا جائے گا۔