Hyderpora Encounter: فاروق عبداللہ نے ایل جی سے ہلاکتوں کی غیر جانبدارانہ تحقیقات کا مطالبہ کیا

نیشنل کانفرس کے ترجمان عمران نبی نے ایک ویڈیو بیان میں کہا کہ ڈاکٹر فاروق عبداللہ نے منوج سنہا سے فون پر بات کرتے ہوئے یہ مطالبہ کیا کہ لاشوں کو ان کے لواحقین کے حوالے کیا جائے۔

جموں و کشمیر کے دارالحکومت سرینگر کے حیدرپورہ میں ہوئی شہری ہلاکتوں پر نیشنل کانفرنس کے صدر ڈاکٹر فاروق عبداللہ نے ایل جی منوج سنہا سے بات کی ہے اور غیر جانبدارانہ تحقیقات کا مطالبہ کیا ہے۔

نیشنل کانفرس کے ترجمان عمران نبی نے ایک ویڈیو بیان میں کہا کہ ڈاکٹر فاروق عبداللہ نے منوج سنہا سے بذریعہ فون یہ مطالبہ کیا کہ لاشوں کو ان کے لواحقین کے حوالے کیا جائے۔

یاد رہے کہ منگل کو پولیس نے کہا کہ حیدرپورہ سرینگر میں شاہراہ کے قریب ایک عمارت میں ہوئے تصادم کے دوران ایک بیرونی عسکریت پسند، ان کے دو معاونین اور ایک عام شہری ہلاک ہوا ہے۔

تاہم لواحقین نے پولیس کے دعوے کو مسترد کرتے ہوئے کہا کہ الطاف احمد بٹ اور ڈاکٹر مدثر گل عام شہری اور معصوم تھے۔ لواحقین گذشتہ دو روز سے سرینگر میں ان کی لاشوں کو اہل خانہ کے سپرد کرنے کا مطالبہ کرتے ہوئے مظاہرے بھی کر رہے ہیں۔