وادیٔ کشمیر کی پہلی آرٹ گیلری سے شائقین خوش

حکام نے گزشتہ تین برسوں سے شیر گری پیلس کی تعمیر نو کرکے مقامی فنکاروں کے لیے ایک بڑی گیلری دستیاب رکھی ہے۔

جموں و کشمیر انتظامیہ نے 18ویں صدی میں افغان دور حکومت میں تعمیر کی گئی شیرگری پیلس (Shergari Palace) کو آٹ گیلری (Art gallery) میں تبدیل کیا ہے۔

یہ گیلری جموں و کشمیر کے فنکاروں کے لیے اہم ثابت ہوگی کیونکہ اس سے قبل یونین ٹریٹری میں فنکاروں کے لیے اپنے فن کو دکھانے کے لیے جگہ موجود نہیں تھی۔

حکام نے گزشتہ تین برسوں میں شیر گری پیلس کی تعمیر نو کرکے مقامی فنکاروں کے لیے ایک بڑی گیلری دستیاب رکھی ہے۔ ان عمارتوں میں جموں و کشمیر کی پرانی اسمبلی اور سیول سکریٹریٹ قائم تھا۔ لیکن چند برس قبل ان کو یہاں سے منتقل کیا جاچکا ہے۔

اس برس 15 اگست کو جموں و کشمیر انتظامیہ نے اس گیلری کو عوام کے لیے وقف کیا تھا۔ گزشتہ ایک ماہ میں یہاں فن کار اور فن کے شائقین رفتہ رفتہ اس گیلری کا رخ کرنے لگے ہیں۔

حکام کا کہنا ہے کہ جوں ہی اس گیلری کی تشہیر ہوگی، شائقین کی تعداد میں بھی اضافہ ہوگا۔

وادی کی پہلی آرٹ گیلری کو دیکھ کر شائقین کافی خوش نظر آرہے ہیں۔