Enrollment Drive In Pampora:پامپور میں سرکاری اسکول میں اندراج مہم کا آغاز

جنوبی کشمیر کے ضلع پلوامہ کے سامبورہ پامپور کے گورنمنٹ پرائمری اسکولGovt Primary School Samboora میں اندراج مہم کا آغاز کیا گیا،اندراج مہم میں درجنوں بچوں کو سرکاری اسکول میں داخلہ دلایا گیا۔

سرکاری اسکولوں میں اندراج کے عمل کو تیز کرنے اور حکومت کے زیر اہتمام فلاحی اسکیموں کے بارے میں عوام کو روشناس کرانے کے غرض سے سامبورہ پانپور کے گورنمنٹ پرائمری سکول میں آج ایک انرولمنٹ مہم شروع کی گٸ، جس کے تحت علاقے کے درجنوں بچوں کو سرکاری اسکول میں داخلہ دیا گیا۔

مہم کی شروعات تحصیلدار پامپور اشتیاق محی الدین Teshildar Pampore Ishtiyaq Mohi ud Din نے کیا۔ اس موقع پر اسکول کے پرنسپل اور والدین بھی موجود رہے۔

والدین کے ایک اجتماع سے خطاب کرتے ہوئے تحصیلدار پامپور اشتیاق محی الدین نے کہا کہ طلبہ کو معیاری تعلیم فراہم کرنا ان کی اولین ترجیح ہے۔

انہوں نے اساتذہ اور دیگر متعلقہ افراد پر زور دیا کہ وہ اپنے متعلقہ اسکولوں میں بامعنی اندراج کو یقینی بنانے کے لیے سخت محنت کریں۔

پروگرام کے دوران اسکولی بچوں میں مفت کتابیں تقسیم کیے گئے،تاکہ یہ بچے اپنی تعلیم کو آگے رکھ سکیں۔