ضلع بڈگام کے چاڈورہ علاقے ہوئے انکاؤنٹر میں ایک عسکریت پسند ہلاک ہوا ہے جب کہ ایک عسکریت پسند کو گرفتار کیا گیا ہے۔
ہلاک شدہ عسکریت پسند کی تحویل سے سکیورٹی اہلکاروں نے ایک اے کے 47 رائفل اور ایک پستول بھی بر آمد کیا ہے۔
بڈگام انکاؤنٹر ایک عسکریت پسند ہلاک، ایک گرفتار
کشمیر آئی جی پی وجے کمار کے مطابق انکاؤنٹر میں ایک عسکریت پسند فرار ہو گیا تھا جس کو پولیس نے کھریو میں گرفتار کیا ہے۔ گرفتار شدہ عسکریت پسند سے ایک پستول اور ایک گرینیڈ بھی برآمد کیا گیا ہے۔ وہیں، پولیس نے اس ٹرک ڈرائیور کو بھی گرفتار کر لیا جس میں عسکریت پسند سوار تھا۔
بتایا جا رہا ہے کہ چاڈورہ کے موچھوہ علاقے میں عسکریت پسندوں کے چھپے ہونے کی مخصوص اطلاع کے بعد سکیورٹی فورسز نے علاقے کا محاصرہ کیا اور تلاشی کارروائی شروع کردی۔