بڈگام میں انکاؤنٹر، ایک عسکریت پسند ہلاک

وسطی کشمیر کے ضلع بڈگام کے موچوا علاقے میں سکیورٹی فورسز اور عسکریت پسندوں کے درمیاں انکاؤنٹر میں ایک عسکریت پسند ہلاک ہوا ہے۔

اطلاع کے مطابق ضلع بڈگام کے موچوا علاقے میں سکیورٹی فورسز کو عسکریت پسندوں کے چھپے ہونےکی خفیہ اطلاع موصول ہوئی۔

جوں ہی سکیورٹی فورسز اس جگہ پر پہنچیں تو وہاں چھپے عسکریت پسندوں نے سکیورٹی فورسز پر فائرنگ کی۔ جواباً سکیورٹی فورسز نے بھی کارروائی کی، جس کے ساتھ ہی تصادم شروع ہوا ہے۔

تازہ اطلاع کے مطابق تصادم میں ایک نامعلوم عسکریت پسسند ہلاک ہوا ہے۔

وہیں، پولیس نے ایک اے کے 47 اور ایک پستول پرامد بھی کیا ہے۔ تلاشی کارروائی جاری ہے۔ مزید تفصیلات کا انتطار ہے۔