سرینگر:جموں و کشمیر کی انتظامیہ نے دعویٰ کیا ہے کہ گرمائی دارالحکومت سرینگر میں ہڈیوں کے واحد خصوصی ہسپتال میں آتشزدگی کے وجوہات کی جانچ کی جارہی ہے اور آڈٹ رپورٹ کے مطابق ہی کام ہو رہا ہے۔ Fire Breaks Out at Bone & Joint Hospital Barzulla
او پی ڈی خدمات بحال کرنے کو شش
جموں و کشمیر ہیلتھ اینڈ میڈیکل ایجوکیشن ڈپارٹمنٹ کے ایڈیشنل چیف سیکرٹری وویک بھردواج نے میڈیا سے بات چیت میں کہا کہ "ہسپتال میں گذشتہ روز آتشزدگی کا واقعہ پیش آیا۔ آتشزدگی کی شروعات اسپتال کے ایمرجنسی تھریٹر میں شروع ہوئی، تاہم بعد میں آگ اسپتال کی پوری عمارت میں پھیل گئی۔ فائر محکمے کی بروقت کارروائی کی وجہ سے وقت رہتے ہوئے آگ پرقابو پا لیا گیا، ورنہ کفی تباہی مچ سکتی تھی۔
اُنہوں نے مزید کہا کہ "اس وقت بھی تمام ملازمین ہسپتال کی صفائی اور مرمت میں مصروف ہیں۔ اُمید ہے کہ آئندہ دس دنوں میں ہسپتال دوبارہ عوام کے لیے کھول دیا جائے گا۔"
ایمرجنسی سرجریز کے حوالے سے بات کرتے ہوئے اُن کا کہنا تھا کہ "تمام مریضوں کو اس اسپتال سے دوسرے اسپتالوں میں منتقل کیا گیا ہے جہاں وہ زیر علاج ہیں۔ انہوں نے کہا کہ اس وقت ہسپتال کی غیر متاثرہ عمارت میں او پی ڈی اور ایمرجنسی سروسز کو ترجیحی بنیادوں پر دوبارہ شروع کرنا ہے۔"