Drivers Protest on Jammu-Srinagar National Highway: جموں سری نگر قومی شاہراہ پر ڈرائیورز کا احتجاج

ڈرائیورز اور جپسم یونین کے چیرمین نے الزام لگایا کہ مخصوص لوگوں کو فائدہ پہنچانے کےلیے زیادہ تر گاڑیوں کی وقت پر لوڈنگ نہیں کی جاتی وہیں لوڈنگ چارجز سمیت کئی طرح کے بہانوں سے ڈرائیوروں سے غیر قانونی طور سے پیسہ وصول کیا جاتا ہے۔Drivers Protest on Jammu-Srinagar National Highway

رامبن:جموں و کشمیر کے ضلع رامبن کے سمبڑ ہڑوگ علاقے میں جپسم کانکنی پر کام کرنے والے ٹرانسپورٹرز نے جموں سرینگر نیشنل ہائے وے پر چندرکوٹ کے مقام پر تمام گاڑیاں روک کر کمپنی اور جپسم نکالنے والی جگہ پر چند مقامی لوگوں کی جانب سے کیے جارہے استحصال کے خلاف سخت ناراضگی کا اظہار کیا۔ Drivers Protest on Jammu-Srinagar National Highway

ڈرائیورز اور جپسم یونین کے چیرمین نے الزام لگایا کہ مخصوص لوگوں کو فائدہ پہنچانے کے لیے زیادہ تر گاڑیوں کی وقت پر لوڈنگ نہیں کی جاتی، وہیں لوڈنگ چارجز سمیت کئی طرح کے بہانوں سے ڈرائیوروں سے غیر قانونی طور سے پیسہ وصول کیا جاتا ہے۔

ڈرائیوروں کا کہنا تھا کہ فیکٹری پر مال پہنچانے کے بعد انہیں چیک دیا جاتا ہے جو کئی کئی مہینوں تک کلیئر نہیں ہوتا جس سے ان کا گزر بسر اور گاڑی کو چلانا مشکل ہو جاتا ہے۔ مالکوں نے مطالبہ کیا کہ اوور لوڈنگ پر بھی ایل جی انتظامیہ پابندی عائد کرے تاکہ وہ چالان والے جرمانے سے بچ سکے، جس کی وجہ سے وہ گاڑیوں کی قسط تک بھرنے میں ناکام رہتے ہیں۔