ڈوڈہ: جڑی بوٹیوں کی غیر قانونی اسلمگنگ کے خلاف محکمہ جنگلات متحرک

ڈوڈہ ضلع میں جنگلی جڑی بوٹیوں کی غیر قانونی اسلمگنگ کی روک تھام کے لیے محکمہ جنگلات نے ایک مہم شروع کی ہے۔جس کے تحت گذشتہ شب جنگلات ڈویژن بھدرواہ کے رینج بھلیسہ میں رینج آفیسر سریش جموال کی قیادت میں ڈی ایف او بھدرواہ چندر شیکھر کی زیر نگرانی 1 لاکھ روپے مالیت کی جنگلی جڑی بوٹی ضبط کی گئی۔

گندوہ میں منعقد ایک پریس کانفرنس کے دوران رینج آفیسر نے کہا کہ 'اعلیٰ حکام کی زیر نگرانی مصدقہ اطلاع ملنے پر بھلیسہ کے دور دراز علاقہ کالجگاسر سیرو میں یہ کارروائی انجام دی گئی۔ جس میں 38 کلو بنکاکڑی و 90 بھوت کشی (جنگلی جڑی بوٹی کی ایک قسم) ضبط کی گئی'۔

تاہم اسمگلرز اندھیرے کا فائدہ اٹھاتے ہوئے فرار ہوگئے۔ انہوں نے کہا کہ 'گzشتہ ماہ بھلیسہ میں 4 مکینیکل کٹر بھی ضبط کیے گئے ہیں انہوں نے مزید کہا کہ محکمہ اسمگلروں کے خلاف سخت کارروائی کرنے کے لئے متحرک ہے'۔