ڈویژنل کمشنر کشمیر پی کے پولے نے ضلع ترقیاتی کمشنر پلوامہ بصیر الحق چودھری اور اے ڈی سی اونتی پورہ محمد ظفر شال کے ہمراہ اونتی پورہ میں آل انڈیا انسٹی ٹیوٹ آف میڈیکل سائنسز (ایمز ) کے ترقیاتی کاموں کا جائزہ لینے کے لیے دورہ کیا۔
اپنے دورے کے دوران ضلع ترقیاتی کمشنر نے ایمز تک اپروچ روڈ کی تعمیر، پانی اور بجلی کی فراہمی اور پروجیکٹ کی دیگر متعلقہ سہولیات کے بارے میں دریافت کیا۔
اس موقع پر سنٹرل پبلک ورکس ڈپارٹمنٹ، ایمس پراجیکٹ کے لیے کام کرنے والی ایجنسی نے بتایا کہ 5001 میٹر باؤنڈری وال میں سے 4500 پر کام مکمل ہو چکا ہے۔
ایگزیکٹیو انجینئر، آر اینڈ بی نے بتایا کہ 1650 کروڑ روپے کی تخمینہ لاگت سے ایمز تک ڈبل لین اپروچ روڈ پر کام شروع کیا گیا ہے۔
ڈویژنل کمشنر نے افسران پر زور دیا کہ وہ آپس میں مل جل کر کام کریں تاکہ پریمیئر ہیلتھ انسٹی ٹیوٹ کی تعمیر کے عمل کو ہموار اور تیز رفتار طریقے سے انجام دیا جائے اور یہ پروجیکٹ کی تکمیل بروقت ہوسکے۔
