بانڈی پورہ ڈی سی نے طلبہ سے اپیل کی کہ وہ ویکسین لگوائیں

ضلع میں کووڈ کی صورتحال کے تعلق سے ڈاکٹر اویس احمد نے کہا کہ 'وادی میں تعلیمی نظام کی بحالی کے لیے اور کلاسز شروع کرنے کے لیے طلبہ کا ویکسین لینا بے حد ضروری ہے۔ انہوں نے مزید کہا کہ ' کالجز کھلنے کے بعد ان ہی طلبہ کو کلاس کی اجازت ہوگی جنہوں نے ویکسین لیا ہوگا۔

ڈپٹی کمشنر بانڈی پورہ ڈاکٹر اویس احمد نے 18 سال سے زائد عمر کے طلبہ سے اپیل کی ہے کہ وہ فوری طور پر ویکسین لگوائیں تاکہ وہ اپنی کلاسز دوبارہ شروع کرسکیں اور آنے والے امتحانات میں انتظامیہ کی گائڈ لائنز کے مطابق حاضر ہوسکیں۔ ضلع میں کووڈ کی صورتحال کے تعلق سے ڈاکٹر اویس احمد نے کہا کہ 'وادی میں تعلیمی نظام کی بحالی کے لیے اور کلاسز شروع کرنے کے لیے طلبہ کا ویکسین لینا بے حد ضروری ہے۔ انہوں نے مزید کہا کہ ' کالجز کھلنے کے بعد انہی طلبہ کو کلاس کی اجازت ہوگی جنہوں نے ویکسین لیا ہوگا۔

انہوں نے طلبہ پر زور دیا کہ وہ جلد سے جلد ویکسین لگوائیں تاکہ حکومت کی اجازت کے بعد وہ اپنی کلاسز دوبارہ شروع کرسکیں۔

قابل ذکر ہے کہ کورونا وائرس کے پھیلاؤ کی وجہ سے وادی کا تعلیمی نظام بری طرح متاثر رہا ہے، اس دوران کئی طلبہ کا تعلیمی سال ضائع ہوا، تاہم اب انتظامیہ کی کوشش ہے کو طلبہ کو ویکسینیٹ کیا جائے تاکہ مستقبل قریب میں اسکولس کو کھولا جاسکے۔