CRPF Madadgaar Scheme: مددگار اسکیم کے تحت سی آر پی ایف کی جانب سے مستحقین میں ادویات کی تقسیم

سی آر پی ایف کے کمانڈگ افسر ربیش نے بتایا کہ 'سی آر پی ایف 179 بٹالین 'مدد گار اسکیم' CRPF Madadgaar Scheme کے تحت ضرورت مندوں کی ہمیشہ مدد کرتی ہے، آج ہم نے سوپور کے دو بیماروں کی مدد کی ہے۔

شمالی کشمیر کے ضلع بارہمولہ کے سوپور میں سی آر پی ایف 179 بٹالین کی جانب سے مدد گار اسکیم Madadgaar Scheme کے تحت دو بیماروں میں مفت ادویات تقسیم کی گئیں۔

سی آر پی ایف کے کمانڈگ افسر ربیش نے بتایا کہ 'سی آر پی ایف 179 بٹالین 'مدد گار اسکیم' Madadgaar Scheme کے تحت ضرورت مندوں کی ہمیشہ مدد کرتی ہے، آج ہم نے سوپور کے دو بیماروں کی بھی مدد کی ہے۔انہوں نے بتایا کہ ان ضرورت مندوں نے مدد گار ہیلپ نمبر پر فون کیا تھا کہ ان کے پاس علاج و معالجہ کے لیے پیسے نہیں ہیں، اس کے تحت ہم نے ان لوگوں کو ادویات فراہم کیں اور ان کا علاج بھی کرایا۔

ربیش نے بتایا کہ 'ہر ضرورت مند ہماری مدد گار ہیلپ لائن نمبر پر رابطہ کرسکتے ہیں اور ہم ان کی ہر حال میں مدد کریں گے۔ اس موقع پر مستفیدین نے سی آر پی ایف کا شکریہ ادا کرتے ہوئے کہا کہ 'مدد گار اسکیم کے تحت ہم کو کافی سہولت ملی ہے، کیونکہ اس اسکیم کے تحت ہمیں مفت دوائیں فراہم کی گئیں، بازار سے اتنی مہنگی دوائیں خریدنے کے لیے ہمارے پاس پیسے نہیں تھے۔