سرینگر میں فائرنگ، ایک عام شہری ہلاک

سرینگر کے کرن نگر علاقے میں ہفتے کے روز نامعلوم بندوق برداروں نے ایک عام شہری پر گولیاں چلائیں جس کے نتیجے میں وہ شدید طور پر زخمی ہوگیا۔ بعد ازاں اُن کو نزدیکی ہسپتال منتقل کیا گیا تاہم وہ زخموں کی تاب نہ لا کر چل بسے۔"

جموں و کشمیر کے گرمائی دارالحکومت سری نگر کے کرن نگر علاقے میں ہفتے کے روز نامعلوم مسلح افراد نے ایک عام شہری پر فائرنگ کی جس کے نتیجے میں وہ شدید طور پر زخمی ہوگیا۔

ایک سینئر پولیس آفیسر نے ای ٹی وی بھارت کو بتایا کہ "بندوق برداروں نے شہر کے کرن نگر علاقے میں ایک عام شہری پر گولیاں چلائیں جس کے نتیجے میں شہری شدید طور پر زخمی ہو گیا۔"

اُنہوں نے مزید کہا کہ "زخمی شخص کو نزدیکی ہسپتال منتقل کیا گیا تاہم وہ زخموں کی تاب نہ لاتے ہوئے چل بسا۔"

پولیس نے ہلاک کیے گئے افراد کی شناخت چیتہ بل کے رہنے والے ماجد احمد گوجری ولد عبدل الرحمان گوجری کے طور پر کی ہے۔ پولیس کے مطابق اُن کے چھاتی پر تین اور ایک گولی ایک چہرے پر لگی ہے۔

وہیں سکیورٹی فورسز نے علاقے کو محاصرے میں لے لیا اور حملہ آوروں کی تلاش جاری ہے۔