آن لائن امتحانات لئے جائیں: سنٹرل یونیوسٹی طلباء

وسطی کشمیر کے ضلع گاندربل میں آج سینٹرل یونیورسٹی آف کشمیر کے طلباء نے خاموش احتجاج کرتے ہوئے یونیورسٹی انتظامیہ سے مطالبہ کیا ہے کہ ان کے امتحانات آن لائن منعقد کئے جائیں۔

سینٹرل یونیورسٹی آف کشمیر کے مین کیمپس گاندربل میں آج طلباء نے کے کیمپس کے باہر پرامن احتجاج کیا ہے ۔

یونیورسٹی کے طلباء نے کہا کہ اگر یونیورسٹی نے آج تک آن لائن کلاسز دئے ہیں تو آج امتحان آف لائن دینے پر انتظامیہ طلباء کو کیوں مجبورکر رہی ہیں۔
یونیورسٹی کے طلباء نے کہا کہ سینکڑوں طلباء دور دراز کے علاقوں میں رہتے ہیں جن کو آف لائن امتحان دینے میں کافی دشواری ہوگی۔

طلباء کے مطابق کچھ طلباء کووڈ 19 سے متاثر ہوئے ہیں جو آف لائن امتحان کے لیے یونیورسٹی نہیں آ سکتے ہے
احتجاجی طلباء نے یونیورسٹی انتظامیہ سے اپیل کرتے ہوئے کہا ہے کہ انہیں یا تو پرموٹ کیا جائیں یا پھر آن لائن امتحانات لیا جائے تاکہ انہیں کورونا کے اس دور میں کوئی پریشانی نہ آئیں۔