'محض 225 روپے میں ہمارا گھر نہیں چلتا'

ایک ملازم کے مطابق عالمی وبا کورونا وائرس کے دوران بھی وہ دل و جان سے محکمہ کو اپنی خدمات پیش کر رہے ہیں لیکن بدلے میں ان کو سوائے مایوسی کے کچھ حاصل نہیں ہوتا۔

ضلع پلوامہ کے اونتی پورہ میں واقع سیڈ فارم میں کام کر رہے کیجول ملازمین گزشتہ تیس سال سے معمولی اجرتوں پر کام کر رہے ہیں لیکن محکمہ زراعت کے اعلی افسران ان کی مستقلی کے بارے میں کوئی ٹھوس اقدامات نہیں کر رہا ہے۔ جس کی وجہ سے ان کے اہل خانہ فاقہ کشی کا شکار ہوئے ہیں۔

محمد سلطان نامی ایک ملازم نے بتایا کہ عالمی وباء کورونا وائرس کے دوران بھی وہ دل و جان سے محکمہ کو اپنی خدمات پیش کر رہے ہیں لیکن بدلے میں ان کو سوائے مایوسی کے کچھ حاصل نہیں ہوتا ہے اور اب وہ جائیں تو جائیں کہاں۔

ایک اور کیجول ملازم نے بتایا کہ وہ اس، فارم کو گزشتہ تیس برسوں سے اپنا خون دے رہے ہیں لیکن بدلے میں سوا دو سو روپے تھمائے جاتے ہیں، جو آج کل کے دور میں کچھ معنی نہیں رکھتے ہیں۔ اب اسکولوں سے بھی ہمارے بچوں کو نکالا جا رہا ہے۔ انھوں نے مطالبہ کیا کہ ان کی نوکریوں کو مستقل کیا جائے۔