آپسی لڑائی میں بھائی نے بھائی پر چاقو سے حملہ کیا

مرکز کے زیرانتظام ریاست جموں و کشمیر کے وسطی ضلع بڈگام میں آج بیروہ علاقے میں دو بھائیوں کے درمیان جھگڑا ہوا۔

اس تنازعہ نے اتنا طول پکڑا کہ چھوٹے بھائی نے اپنے بڑے بھائی پر چاقو سے حملہ کردیا جس کے نتیجے میں وہ زخمی ہوگیا۔

پولیس ذرائع نے بتایا کہ آج بیروہ علاقے کے وراگام میں دو بھائیوں کے درمیان جھگڑا ہوا اور جھگڑے کے دوران چھوٹے بھائی سہیل احمد ملک ولد غلام نبی ملک نے اپنے ہی سگے بھائی 36 سالہ عبدالرشید ملک کے پیٹ میں چاقو گھونپ دیا جس کے نتیجے میں وہ زخمی ہوگیا۔

بھائی نے بھائی پر چاقو سے حملہ کیا

مقامی لوگوں نے واقعے کے بعد عبدالرشید ملک کو فوری طور پر سب ضلع ہسپتال بیروہ میں داخل کروایا جہاں پر ڈاکٹرز نے اس کا علاج کیا۔ اور بعد ازاں اسے ڈسچارج کردیا۔

پولیس نے اس ضمن میں ابھی کوئی ایکشن نہیں لیا ہے اور نہ ہی کوئی ایف آئی آر درج کی ہے۔