گاندربل: مولانا میر غلام محی الدین کی کتاب 'تذکرہ زاہدین' کی رسم رونمائی

ٹاؤن ہال گاندربل میں مولانا میر غلام محی الدین نقیب صاحب کی تصنیف کردہ کتاب 'تذکرہ زاہدین' کی رسم رونمائی انجام دی گئی۔

گاندربل ٹاؤن ہال میں ایک پروقار مجلس کا اہتمام کیا گیا۔ اس میں دعوت منہاج الاسلام جموں و کشمیر ضلع گاندربل حضرت مولانا میر غلام محی الدین نقیب کی تصنیف کردہ کتاب 'تذکرہ زاہدین' کی رسم رونمائی انجام دی گئی۔

اس کتاب میں مولانا میر غلام محی الدین نقیب نے حضرت بابا دریا الدین رحمۃ اللہ علیہ کی سوانح حیات اور اولیاء کاملین سے استمداد پر مدلل روشنی ڈالی ہے۔

اس مجلس میں دعوت منہاج الاسلام کے متعدد اراکین نے شرکت کی جن میں خاص کر صدر ضلع گاندربل مولانا عبدالمجید بٹ، جنرل سیکریٹری فیاض، محترم شیدہ، محمد امین اور عام لوگوں نے بھی شرکت کرکے مجلس کو رونق بخشی۔