وزیر اعظم کے یوم پیدائش کی مناسبت سے خون عطیہ کیمپ

خون عطیہ کیمپ میں بھارتیہ جنتا پارٹی کے نیشنل ایکزیکیٹو ممبر و جنرل سکریٹری جموں و کشمیر بلال احمد پرے، یوا مورچہ رہنما ویر صراف، جموں و کشمیر ترجمان ابھیجیت جسروٹیا، بی جے پی کشمیر کے ترجمان الطاف ٹھاکر اور ضلع صدر سجاد احمد کے علاوہ دیگر ارکان نے بھی اس خون عطیہ کیمپ میں حصہ لیا۔

وزیر اعظم نریندر مودی کے یوم پیدائش کے حوالے سے بھارتیہ جنتا پارٹی یوا مورچہ نے آج سب ڈسٹرکٹ ہسپتال پانپور میں ایک خون عطیہ کیمپ کا انعقاد کیا۔

پروگرام میں بھارتیہ جنتا پارٹی کے نیشنل ایکزیکیٹو ممبر و جنرل سکریٹری جموں و کشمیر بلال احمد پرے، یوا مورچہ رہنما ویر صراف، جموں و کشمیر ترجمان ابھیجیت جسروٹیا، بی جے پی کشمیر کے ترجمان الطاف ٹھاکر اور ضلع صدر سجاد احمد کے علاوہ دیگر ارکان نے بھی اس خون عطیہ کیمپ میں حصہ لیا۔

اس خون عطیہ کیمپ میں 70 سے زائد نوجوانوں نے خون عطیہ کیا۔ اس موقع پر جموں و کشمیر کے ترجمان ابھیجیت جسروٹیا نے کہا کہ 'خون عطیہ کیمپ کے منعقد کرنے کا مقصد یہ تھا کہ ضرورت پڑنے پر ضرورت مندوں کی بر وقت مدد کر کے ان کی زندگی بچائی جاسکے۔

انہوں نے کہا کہ انسانی جذبے کے تحت بھارتیہ جنتا پارٹی بہت سارے ایسے کام کر رہی ہے جس سے عام لوگوں کو فاٸدہ پہنچ سکتا ہے اور خون دے کر کسی کی زندگی بچانا انسانیت کی سب سے بڑی مثال ہے۔

انہوں نے کہا بھارتیہ جنتا پارٹی کی ایسی کاوشیں دیکھ کر ہی یہاں کے لوگوں اس پارٹی میں شمولیت اختیار کر رہے ہیں۔