بھارتیہ جنتا پارٹی کشمیر ونگ کہ جانب سے وزیر اعظم نریندر مودی کے 71 ویں یوم پیدائش کے موقع پر سرینگر میں ایک تقریب کا انعقاد کیا گیا۔ تقریب میں بھارتیہ جنتا پارٹی کے سینئر رہنماؤں نے شرکت کی، اس موقع پر آتش بازی بھی کی گئی اور موسیقی کی محفلیں بھی منعقد ہوئیں۔
سرینگر بی جے پی دفتر میں وزیراعظم کے یوم پیدائش پر جشن
پروگرام میں شامل بھارتیہ جنتا پارٹی کی سینئر رہنما اور خواتین ونگ کی سربراہ ڈاکٹر درخشاں اندرابی نے ای ٹی وی بات سے کہا کہ 'نریندر مودی نے پچھلے 20 برسوں کے دوران سیاسی میدان میں جن کامیابیوں اور بلندیوں کو حاصل کیا ہے، شائد ہی ایسا کسی رہنما کو نصیب ہوگا۔'