Arif Khan Leaves for Winter Olympics: محمد عارف خان سرمائی اولمپکس 2022 کے لیے روانہ

شمالی کشمیر کے ضلع بارہمولہ کے تحصیل ٹنگمرگ علاقہ سے تعلق رکھنے والے محمد عارف خان نے سرمائی اولمپک کھیل کے دو ایونٹس میں کوالیفائی Arif khan Leaves for winter Olympics کر کے بھارت کے ساتھ ساتھ جموں و کشمیر کا نام روشن کیا۔

سرمائی اولمپکس کھیل 2022 Beijing Winter Olympics چین کے شہر بیجنگ میں اب سے کچھ ہی دن میں شروع ہونے والے ہے۔ وہیں ان کھیلوں میں بھارت کی نمائندگی کرنے والے اسکایر محمد عارف خان Skier Muhammad Arif Khan بھی چین کے لیے روانہ ہوگئے ہیں۔

شمالی کشمیر کے ضلع بارہمولہ کے تحصیل ٹنگمرگ علاقہ سے تعلق رکھنے والے محمد عارف خان نے سرمائی اولمپک کھیل کے دو ایونٹس میں کوالیفائی Arif Khan Qualified for Two Events کر کے بھارت کے ساتھ ساتھ جموں و کشمیر کا نام روشن کیا ہے۔

محمد عارف خان نے آسٹریلیا میں 35 دنوں کی ٹریننگ مکمل کرنے کے بعد کچھ دن کے لیے وادی کشمیر آئے تھے جہاں وہ اپنے دوستوں اور والدین سے ملے۔

اگرچہ عالمی وبا کورونا وائرس کے پیش نظر خان اولمپکس کمیٹی کی جانب سے جاری کردہ رہنما خطوط پر سختی سے عمل کر رہے ہیں اور خود کو الگ تھلگ رکھے ہوئے تھے تاہم ای ٹی وی بھارت کے ساتھ مختصر گفتگو کے دوران کہا کہ "انہیں کامیابی کی امید ہے اور وہ پوری طرح سے تیار ہیں۔"

انہوں نے کہا کہ "اولمپکس کے لیے کوالیفائی کرنے سے پہلے یہاں مشق کرنے اور اب مشق کرنے میں کافی فرق ہے۔ لوگ اب زیادہ عزت کرتے ہیں اور مختلف خیالات کے ساتھ مجھ سے ملتے ہیں۔"

انہوں نے کہا ان کی کامیابی کے ساتھ جموں و کشمیر میں نوجوان کھلاڑیوں میں سکّینگ میں دلچسپی بھی بڑھ گئی ہے جو کہ ایک خوشی کی بات ہے۔

اُن کا مزید کہنا ہے کہ "انہیں کافی اچھا لگتا ہے جب وہ نئے کھلاڑیوں سے اپنے تجربے بانٹتے ہیں۔

عارف خان کا کہنا ہے کہ میں چاہتا ہوں کہ وادی کشمیر سے زیادہ سے زیادہ اولمپکس کھلاڑی جموں و کشمیر اور ملک کی نمائندی کریں۔

ان کے مطابق کشمیر میں وہ سب کچھ ہے جو کھلاڑیوں کو ان کھیلوں کے لیے ضرورت ہے۔

محمد عارف خان نے اتر اکھنڈ میں منعقد ہونے والے 2011 کے جنوبی ایشیائی سرمائی کھیلوں میں سلالوم اور جاینٹ سلالوم مقابلوں میں دو طلائی تمغے جیتے تھے۔

واضح رہے کہ خان نے گزشتہ برس دسمبر میں مونٹی نیگرو میں ہونے والے مقابلے میں جاینٹ سلالوم میں کوٹہ حاصل کیا تھا۔ اس سے قبل انہوں نے سلالوم ایونٹ کے لیے کوٹہ حاصل کیا تھا۔اس کارنامے کی وجہ سے خان کو دو مختلف سرمائی اولمپکس مقابلوں میں براہ راست کوٹہ حاصل کرنے والے پہلے بھارتی بننے کا منفرد اعزاز حاصل ہوا۔