پاکستان کی جانب سے فائرنگ، ایک فوجی جوان ہلاک

ریاست جموں و کشمیر کے ضلع راجوری کے سندر بنی سیکٹر میں پاکستان کی فائرنگ سے ایک بھارتی فوجی جوان ہلاک ہو گیا ہے۔

فوجی ترجمان کے مطابق ایل او سی پر پاکستان نے آج صبح جنگ بندی کی خلاف ورزی کرتے ہوئے بھارتی چوکیوں کو نشانہ بنایا، جس کے بعد بھارتی فوج کے جوانوں نے بھرپور جواب دیا۔ اس دو طرفہ فائرنگ میں ایک فوجی جوان ہلاک ہوگیا۔

ترجمان کے مطابق پاکستانی فوج کی چوکیوں کو جوابی کاروائی میں نقصان پہنچا ہے۔ ہلاک شدہ فوجی اہلکار کی شناخت نائک کرشن لال کے طور پر ہوئی ہے۔ ان کی عمر 34 برس تھی۔ ان کا تعلق ضلع جموں کے گگریال گاؤں سے تھا۔

مزید تفصیلات کا انتظار ہے۔