Ammunition Recovered in Ganderbal: گاندربل میں تلاشی کارروائی کے دوران گولہ بارود برآمد

جموں و کشمیر کے ضلع گاندربل کے وتہ لار علاقے میں سکیورٹی فورسز کو تلاشی کارروائی کے دوران گولہ بارود برآمد Ammunition Recovered in Ganderbal ہوا ہے۔

تفصیلات کے مطابق سیکورٹی فورسز نے جمعہ کے روز وسطی کشمیر کے ضلع گاندربل کے وتہ لار میں موجود میوہ باغات میں محاصرے اور تلاشی کارروائی Search Operation in Ganderbal کی ۔تلاشی کارروائی کے دوران سکیورٹی فورسز کو گولہ بارود کا ایک ذخیرہ برآمد ہوا ہے۔

پولیس ذرائع نے بتایا کہ 24 آر آر اور اسپیشل آپریشن گروپ (ایس او جی) گاندربل نے وتہ لار کے علاقے میں تلاشی مہم شروع کی اور باغات سے گولہ بارود کا ذخیرہ برآمد کیا۔

انہوں نے بتایا کہ تلاشی آپریشن کے دوران 60 اے کے راؤنڈ، دو گرینیڈ، 3 یو بی جی ایل، 7 ڈیٹونیٹر، 3 فیوز، 1 بیگ اور ایک پاؤچ برآمد کیا گیا۔

اس سلسلے میں ایک کیس درج کر لیا گیا ہے اور مزید تحقیقات شروع کر دی گئی ہے۔

واضح رہے گاندربل ضلع عسکریت پسندی کے معاملات میں امن پسند علاقہ تصور کیا جاتا ہے۔