All Kashmir Transport Confederation: 'بھاری ٹیکس سے ٹرانسپورٹ سیکٹر کو نقصان ہونے کا خدشہ'

آل کشمیر ٹرانسپورٹ کنفیڈریشن ایسوسیشن کی جانب سے سرینگر میں پریس کانفرنس منعقد کی گئی جس میں محمد شفیع خان نے بتایا کہ محکمہ ٹرانسپورٹ نے عدالتی حکم کے تحت ضلع سے وابستہ گاڑیوں کو سرینگر کی حدود سے آگے جانے کی اجازت نہیں دی ہے۔ All Kashmir Transport Confederation Press conference At Srinagar

سرینگر:جموں و کشمیر کے سرینگر میں میں آل کشمیر ٹرانسپورٹ کنفیڈریشن ایسوسیشن کی جانب سے ایک پریس کانفرنس منعقد کی گئی جس میں ایسوسیشن کے چیرمین محمد شفیع خان نے کہا کہ انتظامیہ کی جانب سے متعدد ٹیکس عائد کئے جارہے ہیں جس کی وجہ سے ٹرانسپورٹ سیکٹر کو کافی نقصان ہوگا۔ All Kashmir Transport Confederation Press conference

انہوں نے کہا کہ گذشتہ 30 برسوں سے کشمیر میں حالات بہتر نہ ہونے کی وجہ سے ٹرانسپورٹ سیکٹر بدحالی کا شکار ہے، ایسے میں حکومت کی جانب سے بھاری ٹیکس عائد کئے جارہے ہیں جس سے ٹرانسپورٹ سیکٹر سے جڑے افراد کو بھاری نقصان ہونے کا خدشہ ہے۔

محمد شفیع خان نے بتایا کہ محکمہ ٹرانسپورٹ نے عدالتی حکم کے تحت ضلع سے وابستہ گاڑیوں کو سرینگر حدود سے آگے جانے کی اجازت نہیں دی ہے، جب کہ دیگر اضلاع کی گاڑیوں کو اس طرح کی سہولت حاصل ہے۔ انہوں نے کہا کہ دیگر گاڑیوں کو سرینگر میں آنے کی اجازت دی جاتی ہے۔ انہوں نے حکومت سے فوری طور پر ٹرانسپورٹ سے متعلق تمام مسائل کو حل کرنے کا مطالبہ کیا۔