گاندربل: سڑک حادثہ میں انجینئر ہلاک

وسطی کشمیر کے ضلع گاندربل میں کنگن تحصیل کے کشنمبل علاقے میں پیش آئے سڑک حادثے میں ایک انجینئر ہلاک ہوگیا۔

اطلاع کے مطابق اسسٹنٹ ایکزیکٹیو انجینئر محمد الطاف چیکا جوکہ پی ایم جی ایس وائی میں بطور انجینئر تعینات تھے اور کنگن سب ڈویژن میں ڈیوٹی انجام دے رہے تھے۔

فوٹو

محمد الطاف کام کا معاینہ کرنے کے دوران جب کشنمبل پہنچے تو ان کی گاڑی اچانک قابو سے باہر ہوکر گہری کھائی میں جا گری۔ اگرچہ مقامی لوگوں نے شدید زخمی حالت میں انہیں ہسپتال پہچانے کی کوشش کی تاہم وہ زخموں کی تاب نہ لاکر راستہ میں ہی دم توڑدیا۔

اس واقع کے بعد پولیس کی ایک ٹیم جائے حادثہ پر پہنچی، جس کے بعد لاش کے قانونی لوازمات پورے کرنے کے بعد لواحقین کے حوالے کیا گیا۔ جوں ہی انجینئر کی لاش ان کے علاقے احمد نگر بژھ پورہ سرینگر پہنچی تو وہاں کہرام مچ گیا۔