آج ایڈشنل ڈپٹی کمشنر ترال شبیر احمد رینہ نے محکمہ فشریز، جل شکتی اور دیگر متعلقہ حکام کے ساتھ علاقے کا دورہ کیا اور صورتحال کا جائزہ لیا۔
اس موقع پر لوگوں نے موصوف کی نوٹس میں علاقے کے مسائل لائے جن پر ای ڈی سی نے فوری کارروائی کا اظہار کیا۔
میڈیا سے بات کرتے ہوئے شبیر احمد رینہ نے بتایا کہ بادل پھٹنے سے زیادہ نقصان نہیں ہوا ہے،لیکن جن لوگوں کے زمین کا نقصان ہوا ہے ان کو بھر پور مدد کی جائے گی۔
مزید پڑھیں:سرکار کے قول و فعل میں تضاد: پی ڈی پی
ہم آپ کو بتادیں گزشتہ شام نالہ نارستان میں اچانک بادل پھٹنے کے بعد آئی طغیانی کی وجہ سے سیلابی صورتحال پیدا ہو گئی تھی اور نزدیکی دیہات کی آبادی جن میں نارستان، گترو، بنگہ ڈار اور درگڈ قابل ذکر ہیں کی آبادی خوف وہراس میں مبتلا ہو گئی تھی جبکہ پانی کے ریلوں نے نالے کے کناروں کے ساتھ نزدیکی اراضی کو نقصان پہنچایا تھا۔