جنوبی کشمیر کے قصبہ ترال میں مشکلات کے فوری ازالے کے لیے انتظامیہ نے نارستان ترال میں ایک عوامی دربار کا انعقاد کیا گیا۔
اس عوامی دربار کی صدارت ایڈیشنل ڈپٹی کمشنر ترال شبیر احمد رینہ نے کی، جس میں نارستان اور مضافاتی دیہات سے آئے ہوئے لوگوں کی ایک بڑی تعداد نے موجود تھی۔
اس موقع پر تقریباً 22 محکموں کے افسران بھی موجود رہے۔ عوامی دربار میں دیگر لوگوں کے علاوہ بی ڈی او فاروق احمد موجود رہے۔
عوامی دربار کے دوران لوگوں نے اپنے اپنے مسائل متعلقہ افسران کی نوٹس میں لائے جانے پر فوری طور عمل درآمد کرنے کی یقین دہانی کی گئی۔
مقامی لوگوں نے بتایا کہ علاقے میں اپنی نوعیت کا پہلا دربار تھا جس میں ہم نے اپنے مطالبات حکام کے سامنے رکھے ہیں اور ہمیں امید ہے کہ ان پر غور وخوض کیا جائے گا۔'
اس دوران ایڈیشنل ڈپٹی کمشنر ترال شبیر احمد رینہ نے بتایا کہ آج کا عوامی دربار دور دراز کے لوگوں کے مسائل کو حل کرنے کے لیے منعقد کیا گیا تھا جس میں عوام نے بڑھ چڑھ کر شمولیت کی اور اس طرح کے پروگرام دیگر علاقوں میں بھی منعقد کیے جائیں گے۔
اس کے بعد ایڈشنل ڈپٹی کمشنر ترال نے حاجن کا دورہ بھی کیا اور وہاں عوامی نوعیت کے مسائل سنے۔