نیشنل ہیلتھ مشن کی رپورٹ سے یہ بات واضح ہوچکی ہے کہ یہ ویکسین کورونا وائرس کے خلاف تحفظ فراہم کر رہی ہے۔ وہیں، گذشتہ تین دن کے اعداد و شمار سے بھی پتہ چلا ہے کہ اموات میں 46 فیصد وہ مریض ہیں جو اسپتال پہنچنے سے پہلے ہی وائرس کے آخری مرحلے پر پہنچ چکے تھے۔
49.37 فیصد اموات ایسے مریضوں کی ہوئی ہیں، جو تین یا اس سے کم دن میں اسپتال میں داخل تھے۔ جمعہ کے روز جموں و کشمیر میں کورونا کے معاملات میں پہلی بار کمی دیکھی گئی۔
جہاں صحت یاب ہونے والے مریضوں کی تعداد وبا کے نیے معاملات کے مقابلے زیادہ تھی۔ جمعہ کے روز، خطے بھر میں 3027 افراد متاثرہ پائے گئے، جبکہ 3814 صحت ہوئے تھے۔
تاہم 60 افراد کی موت ہوگئی، جن میں جموں صوبے کے 39 اور کشمیر کے 21 افراد شامل ہیں۔
جی ایم سی جموں میں گزشتہ کچھ روز سے کورونا سے ہونے والی ہلاکتوں کی تعداد میں اضافہ دیکھا جا رہا ہے۔ گزشتہ روز، جی ایم سی جموں میں 22 مریضوں کی موت واقع ہوئی۔
اس کے علاوہ گاندھی نگر اسپتال میں دو، جی ایم سی کٹھوعہ میں تین، جی ایم سی ڈوڈہ میں دو، ایسکوم جموں میں دو، ڈسٹرکٹ اسپتال سامبہ میں ایک، ڈسٹرکٹ ہسپتال پونچھ میں ایک، کٹرا کے نارائن ہسپتال میں تین کی موت واقع ہوئی ہے۔
مزید پڑھیں:
اس کے علاوہ تین مریض اپنے گھر پر ہی وبا کے خلاف جنگ ہار گئے جن کو مردہ اسپتال لایا گیا۔ کشمیر صوبے میں اسکیم بیمینہ میں دو، اسکیم سوراہ میں تین، ایس ایم ایچ ایس سرینگر میں تین، ضلعی اسپتال پلوامہ میں دو، ضلع اسپتال کولگام میں ایک، جی ایم سی اننت ناگ میں چار، جی ایم سی بارہمولہ میں تین، ایک جے ایل این ایم سری نگر میں، سی ایچ سی کپواڑہ میں تین اور ایک پاجل پورہ بانڈی پورہ میں وائرس سے اموات ہوئی ہیں۔
