پلوامہ: غیر قانونی شراب فروخت کرنے والا گرفتار

ضلع پلوامہ پولیس نے منشیات کے خلاف اپنی کارروائی جاری رکھتے ہوئے ایک شخص کو گرفتار کر لیا ہے۔اس شخص سے غیر قانونی شراب اور خشخاش کو بھاری مقدار میں برآمد کیا گیا ہے۔

جموں و کشمیر کے ضلع پلوامہ میں پولیس نے منشیات کے خلاف کارروائی کرتے ہوئے ضلع کے مچھپونہ گاؤں میں ایک خفیہ جانکاری ملنے کے بعد ایک مکان پر چھاپہ مارا۔ اس کرائے کے مکان میں رہائش پذیر ایک شخص کو غیرقانی طور شراب اور خشخاش فروخت کرنے کی وجہ سے گرفتار کیا گیا۔

اس شخص کی شناخت پنجاب کے رہائشی ارجندر سنگھ کے طور پر ہوئی ہے۔اس شخص کے پاس سے 141 شراب کی غیر قانونی بوتلیں اور بھاری مقدار میں پوست برآمد کیا گیا۔

اطلاعات کے مطابق پلوامہ پولیس کے انسداد منشیات اسکواڈ جس کی سربراہی ڈی ایس پی محمد شفیع کررہے تھے، نے اپنے ذرائع سے معلومات حاصل کرنے کے بعد قانونی دفعات کے تحت مچھپونہ گاؤں میں واقع کرائے کے مکان کی چھاپہ ماری کی اور تلاشی کے دوران غیرقانونی شراب کی 141 بوتلیں (750 ملی لیٹر) ضبط کی گئی۔ساتھ میں اس شخص کے پا سے بھاری مقدار میں پوست بھی برآمد کیا گیا۔

اس سلسلے میں پولیس نے این ڈی پی ایس ایکٹ اور 48 ایکسائز ایکٹ کے تحت ایف آئی آر نمبر 201/2021 درج کیا ہے اور تحقیقات شروع کردی ہے۔ وہی اس مکان کے ساتھ ساتھ گاڑی اور ایک موٹرسائیکل کو بھی ضبط کر لیا گیا ہے۔

پولیس کے مطابق ملزم شراب کو غیر قانونی طور پر فروخت کررہا تھا اور اسے پوست کے بھوسے کی غیرقانونی کاروبار میں بھی ملوث پایا گیا ہے۔

وہیں لوگوں نے پولیس کی کارروائی کو بڑے پیمانے پر سراہا ہے۔پولیس نے عوام سے تعاون کی اپیل کی ہے تاکہ منشیات سے پاک معاشرے کا خواب مکمل ہوسکے گا۔مزید تمام سماجی اداروں سے گزارش ہے کہ وہ منشیات کی لعنت کو روکنے کے لئے اپنا کردار ادا کریں۔