غیر قانونی ہتھیار سمیت پانچ افراد گرفتار

راجستھان پولیس نے پانچ افراد کو غیر قانونی ہتھیاروں کے ساتھ گرفتار کرکے ان کے خلاف آرمس ایکٹ کا معاملہ درج کیا ہے۔

راجستھان کے ضلع ہنومان گڑھ کے سنگریا تھانے کے علاقے میں پولیس نے الگ الگ کارروائیاں کرکے پانچ افراد کو گرفتار کرکے ان کے قبضے سے غیر قانونی ہتھیار برآمد کیے ہیں۔

تھانہ انچارج اندرکمار نے بتایا کہ گزشتہ روز بولاں والی سے چک ہیرا سنگھ والا میں جسپال سنگھ عرف نیٹا (27) میماسرا کا باشندہ، تحصیل گونیانا، ضلع بٹھنڈہ (پنجاب) اور جے دیو (25) جسوندر سنگھ (19) باشندے راسو والا، تھانہ سنگریا کو گرفتار کیا گیا۔

پولیس نے ملزموں کے قبضے سے ایک غیر قانونی دیسی کٹَّہ اور دو کارتوس برآمد کیے ہیں۔ ایک دیگر کارروائی میں پولیس نے راسو والا کے باشندے جسوندر سنگھ عرف کالا (30) اور اوم پرکاش (23) کو گرفتار کرکے ان کے پاس سے ایک دیسی کٹہ اور کارتوس برآمد کیا ہے۔

پولیس نے دو مقدمے آرمس ایکٹ کے تحت درج کیے ہیں۔

گرفتار افراد کے مجرمانہ ریکارڈ کا پتہ لگایا جا رہا ہے۔