دو ٹرکوں کی ٹکر میں چار ہلاک

راجستھان کے ضلع سیکر کے فتح پور علاقے میں قومی شاہراہ 58 پر ایک خوفناک سڑک حادثہ پیش آیا۔ دو ٹرکوں میں آمنے سامنے کی ٹکر میں چار افراد ہلاک ہوگئے۔ دونوں ٹرکوں میں دو دو افراد تھے جن میں سے کوئی بھی زندہ نہیں بچ پایا۔

معلومات کے مطابق یہ سڑک حادثہ فتح پور صدر پولیس اسٹیشن کے علاقہ گاؤں کھونی اور کا رنگا کے مابین پیش آیا۔ جہاں چاول سے بھرے ایک ٹرک کے سامنے ردی سے بھرا ایک بڑا ٹرک ٹکرا گیا۔

دونوں ٹرکوں میں دو دو افراد سوار تھے، ان چاروں افراد کی اس سڑک حادثے میں موت ہوگئی۔

اطلاع ملنے پر صدر تھانہ اور فتح پور قصبہ کوتوال ادئے سنگھ یادو موقع پر پہنچ گئے اور گاؤں والوں کی مدد سے کافی کوشش کے بعد چاروں کی لاشوں کو ٹرکوں سے باہر نکال لیا۔

دونوں ٹرکوں کے درمیان تصادم اتنا زبردست تھا کہ ان میں سوار بری طرح پھنس گئے، کرین کی مدد سے دیہاتیوں اور پولیس نے کافی کوشش کے بعد اسے باہر نکالا۔

اس حادثے کے بعد شاہراہ پر لمبا چوڑا ٹریفک لگ گیا، پولیس کے اعلی افسران کرینوں کی مدد سے ٹرکوں کو ہٹانے میں مصروف ہیں۔

یہ وہی شاہراہ ہے جس پر دو روز قبل کار اور ٹرک کے تصادم میں سات افراد ہلاک ہوگئے تھے۔