ہماچل پردیش کے دارالحکومت شملہ کے نواحی علاقہ ٹوٹو میں نابالغ لڑکی سے جنسی زیادتی کا معاملہ اس وقت سامنے آیا جب نابالغ لڑکی کے حاملہ ہونے کی تصدیق ہوئی۔
جس کے بعد نابالغ لڑکی کی والدہ نے بالو گنج پولیس اسٹیشن میں شکایت درج کرائی ہے جس کے بعد پولیس نے پوکسو ایکٹ کے تحت کیس درج کرکے تفتیش بھی شروع کردی ہے۔
ذرائع کے مطابق نابالغ لڑکی کی والدہ نے پولیس میں شکایت درج کرائی ہے جس میں انھوں نے کہا کہ متاثرہ لڑکی کی والدہ اور والد صبح کام پر چلے جاتے ہیں۔
مزید پڑھیں:
ملزم نہیں ملا تو پولیس نے اس کی بیوی کو ہی گرفتار کر لیا
ملزم نہیں ملا تو 7 ماہ کی حاملہ کو پولیس نے لیا حراست میں
اس دوران اس کی 14 سالہ بیٹی گھر میں تنہا رہتی ہے، جس کا فائدہ اٹھا کر ملزم نے نابالغ لڑکی کو متعدد دفعہ اپنی ہوس کا شکار بنایا۔ دو دن پہلے نابالغ لڑکی نے اپنے حمل کے بارے میں والدین کو آگاہ کیا ہے۔
متاثرہ نابالغ لڑکی کے لواحقین نے ملزم کے خلاف قانونی کاروائی کا مطالبہ کیا ہے۔ تاہم پولیس نے پی او سی ایس او ایکٹ کے تحت کیس درج کرکے تفتیش شروع کردی ہے۔