بنڈارو دتاتریہ ہماچل پردیش کے نئے گورنر

بنڈارو دتاتریہ نےبدھ کے روز ہماچل پردیش کے نئے گورنر کے طور پرحلف لیا۔

شملہ کے راج بھون میں منعقد ہوئی ایک تقریب میں ہماچل پردیش ہائی کورٹ چیف جسٹس دھرم چند چودھری نے انھیں حلف دلایا۔
دتاتریہ ہماچل پردیش کے 27 ویں گورنر کے طور پر اپنی دستوری ذمہ داریوں کو ادا کریں گے۔ اس تقریب میں ریاست کے وزیر اعلی جئے رام ٹھاکر، مرکزی مملکتی وزیر داخلہ کشن ریڈی، تلنگانہ بی جے پی صدر لکشمن اور دیگر اہم شخصیات نے شرکت کی۔
بنڈارو دتاتریہ کا تعلق ریاست تلنگانہ سے ہے،اور وہ مذکورہ ریاست کے سب سے سئنیر بی جے پی رہنما ہیں۔ وہ سابق میں مرکزی وزیر اور رکن پارلیمان رہ چکے ہیں۔