سہارنپور: مختلف حادثوں میں تین شخص ہلاک، چار زخمی

ریاست اترپردیش کے سہارنپور ضلع میں گزشتہ 24 گھنٹوں کے دوران مختلف حادثات میں خاتون سمیت تین لوگوں کی موت ہوگئی ہے جبکہ چار دیگر زخمی ہوگئے۔

پولیس ذرائع نے بتایا کہ چُھٹمال پور بائی پاس پر بائک پھسلنے سے اس پر سوار 34 سالہ خاتون سیما کی موت ہوگئی جبکہ اس کا شہور سنگین طور پر زخمی ہوگیا۔ جسے اسپتال میں داخل کرایا گیا۔

انہوں نے بتایا کہ ناگل تھانہ علاقے میں دیو بند شاہراہ پر کار اور لکڑیاں لدی ٹریکٹر ٹرالی کے درمیان ٹکر میں کار سوار 21 سالہ نوجوان ہیمنت چوہان کی موت ہوگئی جبکہ اس کے تین ساتھ زخمی ہوگئے، جنہیں ایمبولیسن سے ضلع اسپتال میں داخل کرایا گیا ہے۔

مہلوکین کی ماں سنگیتا نے پولیس کو بتایا کہ اس کا بیٹا دہرہ دون جانے کے لیے گھر سے نکلا تھا۔ اسے نہیں معلوم کہ اس کے ساتھ کون لوگ تھے۔ پولیس نے معاملے کی جانچ شروع کردی ہے۔

دوسری جانب نگر کے تھانہ منڈی میں ناظم کالونی کے نزدیک نو سالہ لڑکے گلفام کی پاؤدھوئی ندی میں ڈوبنے سے موت ہوگئی جبکہ اس کے ساتھ دو دیگر بچوں کو وقت رہتے نزدیک کے لوگوں نے ڈوبنے سے بچالیا۔