سہارنپور: مقامی لوگوں کی شکایت پر تین پولیس اہلکار معطل

ریاست اترپردیش کے ضلع سہارنپور میں ایس ایس پی نے تین پولیس اہکاروں کو قانون کی خلاف ورزی کرنے کے الزام میں معطل کردیا۔

دراصل تھانہ چلکانا میں تعینات تین پولیس سول ڈریس میں بغیر کسی اعلی افسر کو اطلاع دیے گنگو تھانہ علاقے کے باڈی ماجرا گاؤں میں دبش دینے کے لیے گئے۔ گاؤں والوں نے بدمعاش سمجھ کر تینوں پولیس اہلکاروں کو پکڑلیا اور گنگو تھانہ کو اس بابت اطلاع دی۔

اطلاع ملتے ہے موقع پر پہنچی پولیس نے تینوں کو حراست میں لے لیا اور تفتیش شروع کی، تفتیش میں پتہ چلا ہے کہ یہ تینوں افسر چلکانا تھانہ میں تعینات تھے اور ایک ملزم کو دبش دینے کے لیے گنگو تھانہ کے باڈی ماجرا گاؤں پہنچے تھے۔ ایس ایس پی نے مذکورہ معاملہ کو سنجیدگی سے لیتے ہوئے تینوں پولیس اہلکار کو معطل کردیا۔'۔