دیوبند: سادھوی نے کسانوں کو بتایا جہادی

سادھوہ پراچی فرقہ وارانہ بیان دینے کے لئے پورے اتر پردیش میں جانی جاتی ہیں۔

اتر پردیش کے مظفر نگر میں ہوئے فرقہ وارانہ فساد کی ملزم سادھوی پراچی نے آج دیوبند میں صحافیوں سے گفتگو کرتے ہوئے کہا کہ دہلی کی سرحد پر جو تحریک چلارہے ہیں، ان میں کسان نہیں ہیں بلکہ جہادی اور نکسلی ہیں اور وہ لوگ موجود ہیں جو خالصتان کا مطالبہ کرنے والے ہیں کیو ں کہ کسان کبھی بھی وزیر اعظم نریندر مودی اور وزیر اعلیٰ اترپردیش یوگی آدتیہ ناتھ کو مارنے کی بات نہیں کہہ سکتے۔
واضح ہو کہ سادھوہ پراچی فرقہ وارانہ بیان دینے کے لئے پورے اتر پردیش میں جانی جاتی ہیں اور مظفر نگر فرقہ وارانہ فساد کے دوران انہوں نے کئی بیانات دئے تھے۔