دیو بند: دکانوں پرکالے جھنڈے لگا کرشہریت ترمیمی قانون کی مخالفت

دارالعلوم دیوبندمیں لوگوں نے 'شہریت ترمیمی ایکٹ' کی مخالفت کی اور جامعہ ملیہ اسلامیہ، علی گڑھ مسلم یونیورسٹی میں طلباو طالبات پرپولیس کے تشدد کے خلاف اپنا احتجاج درج کرایا۔

ریاست اترپردیش کے ضلع سہارنپور کے قصبہ دارالعلوم دیوبندمیں لوگوں نے 'شہریت ترمیمی ایکٹ' کی مخالفت کی اور جامعہ ملیہ اسلامیہ، علی گڑھ مسلم یونیورسٹی میں طلباو طالبات پرپولیس کے تشدد کے خلاف اپنا احتجاج درج کرایا۔

پر امن طریقے سے اس بل کی مخالفت کرتے مقامی لوگوں نے اپنی اپنی دکانوں پر کالے جھنڈے لگائے۔

دکانداروں کاکہنا تھا کہ پر امن طریقے سے اپنی مخالفت کا اظہار کرنا ہمارا جمہوری حق ہے، انہوں نے کہا کہ وہ نہیں چاہتے کہ کسی طرح کا کوئی تشدد برپا ہو اور علاقے کا ماحول خراب ہو، ہمارے مظاہرہ کا مقصد حکومت و انتظامیہ تک اس قانون کی مخالفت کرنا ہے۔ ہمارا مطالبہ ہے کہ حکومت اس قانون کو فوری واپس لے۔