ریاست اترپردیش کے ضلع سہارنپور کے صدر بازار میں پولیس نے ایک مڈ بھیڑ کے بعد تین بدمعاشوں کو گرفتار کرلیا۔
سینئر سپرنٹنڈنٹ آف پولیس دنیش کمار پی نے بتایا کہ دہلی روڑ پر آواس وکاس کالونی کے نزدیک دیر رات پولیس کے گشتی دستے نے کار سوار تین بدمعاشوں کو رکنے کا اشارہ کیا جس پر بدمعاشوں نے پولیس ٹیم پر فائرنگ کرتے ہوئے فرار ہونے کی کوشش کی۔
مسٹر دنیش نے بتایا کہ بدمعاشو ں کے فائرنگ کےجواب میں پولیس نے بھی فائرنگ کی جس میں ایک بدمعاش پولیس کی گولی لگنے سے زخمی ہوگیا جبکہ دو بدمعاشوں کو کچھ دور تک تعاقب کرنے کے بعد گرفتار کرلیا گیا۔زخمی بدمعاش کی شناخت پروین عرف ککّو کے طور پر کی گئی ہے جبک اس کے دوساتھی راشد اور عثمان کو پولیس نے کامبنگ آپریشن کے ذریعے گرفتار کیا۔
مزید پڑھیں:سی اے اے معاملہ: راجیہ سبھا کی کارروائی 3 بجے تک ملتوی
انہوں نے بتایا کہ گرفتار ملزموں کے قبضے سے 49 گرام چرس، ہتھیار و گولہ بارود برآمدکیا گیا ہے۔ زخمی بدمعاش کو علاج کے لئے ضلع اسپتال میں داخل کرایا گیا ہے۔