سہارنپور:فیس معافی کا مطالبہ، محکمہ تعلیم کا پتلہ نظر آتش کیا گیا

ضلع سہارنپور میں محکمہ تعلیم کا پتلہ نظر آتش کیا گیا، تقریبا تین ماہ سے بچوں کے والدین کی جانب سے فیس معافی کا مطالبہ کیا جارہا ہے، بچوں کے والدین کا کہنا ہے کہ جب ہمارے بچے اسکول نہیں جارہے ہیں تو ہم فیس کیوں دیں۔

ریاست اترپردیش کے ضلع سہارنپور میں تقریبا تین ماہ سے مسلسل بچوں کے والدین اسکول کی فیس معافی کے تعلق سے احتجاج کر رہے ہیں، اسی تناظر میں آج بچوں کے والدین نے سھارنپور کلیکٹریٹ چوراہے پر محکمہ تعلیم کا پتلہ نظر آتش کیا اور فیس معافی کا مطالبہ کیا۔

بچوں کے والدین کا کہنا تھا کہ کورونا وبا کے پیش نظر بچے اسکول نہیں جارہے ہیں اور اسکول انتظامیہ ہم سے فیس کا مطالبہ کر رہے ہیں۔

ان کا کہنا ہے کہ جب تین ماہ سے اسکول بند ہیں تو بچوں کے والدین فیس کیوں اداکریں، جبکہ آن لائن تعلیم بھی بچوں کو فقط کچھ منٹوں کے لئے ہی کرائی جارہی، آن لائن تعلیم کے نام پر بھی اضافی فیس طلب کی جارہی ہے جس میں پوری محنت والدین کی ہوتی ہے۔

بچوں کے والدین کا کہنا تھا کہ آن لائن تعلیم میں صرف ہوم ورک دے دیا جاتا ہے ہم اسکول انتظامیہ کو فیس کس بات کی دیں۔

انہوں نےکہا کہ کرونا کے اس دور میں لاک ڈاؤن کی وجہ سے ہم لوگ پریشان ہے کاروبار بلکل بند ہیں بچوں کے والدین فیس معافی کے لیے مختلف طریقوں سے احتجاج کر رہے ہیں میمورنڈم بھی دے رہیں ہیں مگر حکومت وانتظامیہ اس طرف کوئی توجہ نہیں دے رہا ہے اس لئے آج ہم نے پتلہ نظر آتش کیا۔