'سب انسپکٹرانتصارعلی کو ملازمت ترک کرنی چاہئے تھی، داڑھی نہیں'

انتصار علی کے داڑھی منڈوانے پر مہتمم جامعہ فاطمہ الزہرا انگلو عربک دیوبند مولانا لطف الرحمن قاسمی نے کہا کہ 'داڑھی نہ رکھنا شریعت کے حساب سے گناہ ہے اور داڑھی رکھ کر منڈوا دینا یہ اس سے بھی بڑا گناہ ہے۔

اترپردیش کے ضلع پاغپت کے ایس پی کے ذریعہ سب انسپکٹر انتصار علی کو معطل کئے جانے اور اس کے بعد انتصار علی کے داڑھی منڈوائے جانے پر مہتمم جامعہ فاطمہ زہرا انگلو عربک دیوبند مولانا لطف الرحمن قاسمی نے اپنا رد عمل ظاہر کرتے ہوئے کہا کہ 'داڑھی نہ رکھنا شریعت کے حساب سے گناہ ہے اور داڑھی رکھ کر منڈوادینا یہ اس سے بھی بڑا گناہ ہے'۔

انہوں نے کہا کہ 'اگر کہیں پر بات شریعت اور سنت کی آتی ہے تو ایسے موقع پر داڑھی نہیں بلکہ نوکری ہی چھوڑ دینی چاہئے، شریعت کے حساب سے انتصار علی نے بہت بڑا گناہ کیا ہے۔

مولانا لطف الرحمن نے کہا کہ 'داڑھی نہ رکھنا بھی گناہ ہے اور داڑھی رکھ کر منڈوا دینا اور بڑا گناہ ہے'۔ انہوں نے کہا کہ 'داڑھی منڈوا کر نوکری کو توجہ دینا یا اپنے کاروبار پر توجہ دینا میں سمجھتا ہوں غلط ہے'۔

انہوں نے کہا کہ 'ایسے موقع پر جہاں اسلام اور سنت پر آنچ آتی ہو تو اس کام کو چھوڑنے میں ہی بھلائی ہے'۔ انہوں نے کہا کہ 'انتصار علی نے بہت برا کام کیا ہے اور شریعت کے حساب سے یہ بہت بڑا گناہ ہے'۔