'بے روزگاری اور کسان کے مسائل پر انتخابات لڑیں گے'

سہارنپور حلقہ سے  کانگریس کے امیدوار عمران مسعود نے پریس کانفرنس سے خطاب کرتے ہوئے  بی جے پی، بھیم آرمی اور بہوجن سماج پارٹی پر تبصرہ کیا۔

کانگریس کے ریاستی نائب صدر عمران مسعود منگل کے روز کچھ کارکنان کو پارٹی میں شامل کررہے تھے اس دوران انہوں نے صحافیوں سے بات چیت کرتے ہوئے کہا کہ' کانگریس بنیادی مسائل پر انتخابات لڑے گی، ہمارا انتخابی ایجنڈے میں نوجوان، بے روزگاری، کسان، غریب اور چھوٹے تاجر طبقہ کے مسائل مرکزیت دی گئی ہے'۔

راہل گاندھی کے ذریعے مسعود اظہر کو 'جی' کہہ کر مخاطب کیے جانے والے سوال پر عمران مسعود نے کہا کہ' آدمی کے ڈین این اے میں تمیز و تہذیب ہوتی ہے، وہی تہذیب انہیں دشموں کے لیے بھی برقرار رہتا ہے، ایسے میں انکا مسعود اظہر کو جی کہنا انکی عزت فزائی کرنا نہیں ہے'۔

اس موقعے پر انہوں نے بی جے پی پر طنز کرتے ہوئے کہا کہ' ایسے لوگوں کو راہل گاندھی کی باتیں خراب لگے گی جن کے اندر تمیز نام کی کوئی چیز نہیں'۔

بھیم آرمی کے تعلق سے سوال پر انہوں نے کہا کہ' انہیں بھیم آرمی کی حمایت حاصل ہے، کیونکہ مصیبت کے وقت جو کام آئے لوگ انکی حمایت ضرور ریں گے'۔

بہوجن سماج پارٹی پر طنز کرتے ہوئے کہا کہ' بھیم آرمی کے مصیبت کے وقت بہوجن پارٹی کہاں تھی، میں انکے مصیبت میں انکے ساتھ کھڑا تھا'۔