سہارنپور: فلائی اوور سے شہریوں کو پریشانی

ضلع سہارنپور کے دیوبند علاقے میں ہائی وے پر فلائی اوور کے دونوں جانب تنگ گلیوں کو کشادہ نہیں کرنے اور شہریوں کو ٹول ٹیکس میں راحت نہیں دیے جانے پر لوگوں میں غم وغصہ ہے اس ضمن میں گزشتہ روز ایک میٹنگ منعقد کر کے علاقے کے لوگوں نے قومی شاہراہ بنانے والی کمپنی کے خلاف سخت ناراضگی درج کرائی۔

شہر میں واقع مجنوں والا روڈ پر ہوئی اس میٹنگ میں ہندو جاگرن منچ کے لیڈر ٹھاکر سریندر پال سنگھ ایڈووکیٹ نے کہا کہ ہائی وے بنانے والی کمپنی کے ذریعے علاقے کے لوگوں سے بھاری بھرکم ٹیکس وصول کیا جا رہا ہے، یہاں کی عوام کے ساتھ یہ دھوکا ہے۔ ان کا کہنا تھا کہ کمپنی کو علاقے کے لوگوں کو ٹول ٹیکس میں راحت دینے کا کام کرنا چاہیے۔

اس دوران گننا سمیتی کے سابق چیئرمین دلشاد نے کہا کی بھارتی کسان یونین کی لیڈر شپ میں ٹول پلازہ پر دیوبند کی عوام کو چھوٹ دلائے جانے اور پل کی دونوں جانب بنائے گئے سروس روڈ میں برتی گئی بے احتیاتی اور پل کے دونوں جانب سے تنگ گلی کو ہٹوائی جائے۔

انہوں نے مزید کہا کہ چینی مل میں باہر سے آنے والے گنوں کو روکنے کو لے کر بھی ایک تحریک چلائی جائے گی جس کی تیاری کرلی گئی ہے۔