سہارنپور: ضلع پنچایتی انتخابات میں راشٹریہ لوک دل کامیاب بنانے کا عہد

راشٹریہ لوک دل کی ایک میٹنگ پی ڈبلیو ڈی گیسٹ ہاؤس پرمنعقد کی گئی۔ میٹنگ میں کسان پنچایت کی کامیابی، تنظیم کو کامیاب بنانے، اسے فروغ دینے اور ضلع پنچایت میں راشٹریہ لوک دل کو مضبوط بنانے پر تبادلہ خیال کیا گیا۔

میٹنگ میں صحافیوں سے بات کرتے ہوئے راؤ قیصر سلیم نے کہا کہ 'گزشتہ 3 مارچ کو نکوڈ میں ہوئی کسان پنچایت تاریخی رہی، راشٹریہ لوک دل کے ہر ایک کارکن کی محنت رنگ لائی راشٹریہ لوک دل کی جانب سے تمام کارکنان کو مبارکباد دینا شہر سہارنپور کے سبھی کارکنان کے لیے عزت کی بات ہے۔

راؤ قیصر نے کہا کہ ضلع پنچایت انتخابات سر پر ہے، راشٹریہ لوک دل شہر سہارنپور میں اپنے بل بوتے پر ضلع پنچایت انتخابات میں امیدوار اتارے گی۔ انہوں نے کارکنان سے کہا کہ' 15 مارچ تک سبھی امیدواروں کے فارم ضلع صدر کے پاس جمع کرا دیں۔ اس کے بعد ایک کمیٹی بناکر سبھی کے ناموں پر بات کی جائے گی۔

کمیٹی کی رپورٹ پیش کرنے کے بعد راشٹریہ لوک دل ضلع پنچایت میں امیدواروں کا اعلان کیا جائے گا۔ راؤ قیصر نے کہا کہ' ضلع پنجایت کے یہ انتخابات آنے والے بڑے انتخابات کا سیمی فائنل ہے۔ اس انتخابات سے اسمبلی انتخابات کی نیو رکھی جائے گی۔ اس لیے ہر ایک کارکنان اپنی ذمہ داری سمجھیں اور محنت سے کام کریں۔ زیادہ سے زیادہ ضلع پنچایت کے انتخابات میں راشٹریہ لوک دل کے امیدواروں کو کامیاب بنائیں۔