ریاست اترپردیش کی سابقہ مایاوتی حکومت میں پروموشن میں ریزرویشن کے لئے ایک تحریک چلائی گئی تھی، جس میں بڑی تعداد میں لوگ شامل ہوئے اور ٹرینیں بھی روکی گئی تھیں۔
مایاوتی دوراقتدار میں احتجاجیوں کے خلاف دائر مقدمات کو واپس لیا گیا اس معاملہ کو لے کر پانچ سو افراد کے خلاف مقدمات قائم کئے گئے تھے، اس معاملہ میں اتراکھنڈ کے بی جے پی رکن اسمبلی دیش راج کرنوال اور ان کی اہلیہ کے خلاف بھی مقدمہ درج کیا گیا تھا، ان لوگوں نے طویل وقت تک مقدمات واپس لینے کی لڑائی لڑی لیکن مایاوتی حکومت میں ایسا نہیں ہوا۔ اس کے بعد ریاست میں آئی سماجوادی پارٹی حکومت میں بھی یہ مقدمات واپس نہیں ہوئے۔
لیکن اترپردیش میں بی جے پی حکومت کے آنے کے بعد رکن اسمبلی دیش راج کرنوال نے اتراکھنڈ کے وزیر اعلیٰ ترویندر راوت کے ذریعہ اترپردیش کے وزیر اعلیٰ یوگی آدتیہ ناتھ سے مذکورہ تمام مقدمات واپس لینے کی مانگ کی۔ وزیر اعلیٰ اترپردیش یوگی آدتیہ ناتھ نے مذکورہ تمام مقدمات کو واپس لینے کا اعلان کردیا۔
وزیر اعلی اترپردیش کے اس بڑے فیصلے کے بعد رکن اسمبلی دیش راج کرنوال نے پریس کانفرنس کرکے وزیر اعلیٰ اترپردیش اور وزیر اعلیٰ اتراکھنڈ کا شکریہ اداکیا۔
